Lider TV

Yeni Olimpiya İdman Kompleksləri il istifadəyə veriləcək


“Beyləqan və Lənkəran Olimpiya İdman Kompleksləri bu il istifadəyə veriləcək. Tərtər və Goranboyda isə olimpiya mərkəzlərinin növbəti ildə tikilməsi planlaşdırılır.” Gənclər və idman naziri Azad Rəhimov “Azərbaycan Respublikası regionlarının 2014-2018-ci illərdə sosial -iqtisadi inkişafı dövlət proqramı”nın icrasının dördüncü ilinin yekunlarına həsr olunan müşavirədə belə deyib. Bildirib ki, hazırda ölkədə 43 olimpiya idman kompleksi fəaliyyət göstərir. Onlardan 5-i Bakıda, 38-i rayonlardadır. Nazir onu da qeyd edib ki, qarşıda duran əsas vəzifələrdən biri də rayonlarda“gənclər evi”nin tikilməsidir. Bu günədək 40 belə mərkəzin istifadəyə verildiyini vurğulayan Azad Rəhimov 2018-ci ilin aprelin 11 -də ölkəmizdə keçiriləcək prezident seçkilərində gənclərin və idmançıların prezident İlham Əliyevin ətrafında sıx birləşəcəyini bildirib.




19:00 / 09.02.2018     Çap et  Çap et