Lider TV

Peyntbol yarışı keçirilib


Bədən tərbiyəsi və idman gününə həsr olunan peyntbol yarışı keçirilib. Yarışda Gənclər və İdman Nazirliyinin əməkdaşları, idmançılar, kütləvi informasiya vasitələrinin nümayəndələri və tanınmış şəxslər iştirak edib. Əvvəlcə bədən tərbiyəsi və idman gününün təsis edildiyi tarixə nəzər yetirilib. Bildirilib ki, bu tarıx Azərbaycan prezidenti İlham Əliyevin 2005-ci il 4 mart tarixli sərəncamına əsasən qeyd edilir. İdman gününün martın 5-də qeyd olunması təsadüfi deyil. Məhz 1995-ci il martın 5-də ulu öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşərək idman fondunu təsis edib. Bədən tərbiyəsi və idmanın inkişafında yeni strategiyanın təməlini qoyub. Sonra yarışlara start verilib. 5 nəfərlik qruplarla 12 komanda arasında yarış keçirilib. Yarışın sonunda 1-ci, 2-ci və 3-cü yerlərə mükafat və sertifikatlar təqdim olunub. Qeyd edək ki, bu yarış Azərbaycanda peyntbol üzrə belə formatda təşkıl olunan ilk turnirdir.




09:00 / 06.03.2017     Çap et  Çap et