Lider TV

Sümük iliyi köçürülməsində yenilik


Son 2 ildə Talassemiya Mərkəzində 42 xəstəyə sümük iliyi köçürülüb. Artıq qohum olmayan şəxslər arasında da eyni əməliyyat həyata keçiriləcək. İndiyədək ölkədə sümük iliyi transplantasiyası yalnız bacı-qardaş arasında reallaşırdı. Bu yaxınlarda bir xəstəyə artıq atasından sümük iliyi köçürülüb. Növbəti ildən isə qeyri qohumlar arasında da eyni prosesi gerçəkləşdirmək mümkün olacaq. Bu il Talassemiya Mərkəzində 17 xəstəyə sümük iliyi köçürülüb. Ümumi laboratoriyada 17 min 500 nəfər müayinələrdən keçib. 217 – də uyğunluq müalicəsi aparılıb. Hazırda dispanser qeydiyyatında olan 2862 xəstə müalicə alır və dərman preparatları ilə təmin edilir. Talassemiya Mərkəzində ilin yekunlarına dair tədbirdə bildirildi ki, il ərzində nikaha daxil olmaq istəyən 134 min 656 nəfər müayinədən keçib. 4358 nəfərdə talassemiya daşıyıcılığı aşkarlanıb. Onlardan 32 cütlüyün hər ikisində daşıyıcılıq qeydə alınıb ki, həmin şəxslərə də müvafiq məsləhətlər verılıb

Fidan Əliheydər




19:00 / 14.12.2016     Çap et  Çap et