Lider TV

Ölənlərin sayı 40 – a çatıb


Tayvanda zəlzələ nəticəsində ölənlərin sayı 40 – a çatıb. Təbii fəlakət zamanı 515 nəfər xəsarət alıb. Hazırda 120 nəfərin dağıntılar altında qaldığı bildirilir. Zəlzələdən 30 saat sonra qalıqlar altından bir körpə sağ çıxarılıb. Xilasetmə işlərində 600-dən çox şəxs iştirak edir. Yeraltı təkanlardan 30 saat sonra taynan şəhərində uçmuş binanın dağıntıları altından 6 aylıq körpə sağ çıxarılıb. Bundan əvvəl 20 yaşlı bir gənc xilas edilmişdi. Dağıntılar altında qalan daha 120 nəfərəin sağ qalmasına ümidlər getdikcə azalır. Zəlzələ zamanı ölən 26 nəfərin çoxu çökmüş hündürmərtəbəli binanın sakinləridir. Yaşayış kompleksinin 6,4 bal gücündə yeraltı təkana tab gətirməməsinə görə, tikinti qaydalarının pozulması faktı üzrə istintaq başladılıb. Zəlzələdən zərər çəkmiş onlarla insan hələ də xəstəxanalarda müalicə alır. Xilasetmə əməliyyatına çoxlu sayda hərbçi, yanğınsöndürən, həmçinin axtarış itləri cəlb olunub. Yaşayış binasının uçması nəticəsində ev-eşiklərindən məhrum olan sakinələr üçün müvəqqəti sığınacaqlar yaradılıb.




19:00 / 07.02.2016     Çap et  Çap et