Lider TV

Cüdoçuların mübarizəsinə komanda yarışları ilə yekun vurulacaq


Avropa Oyunlarının son günündə cüdoçuların mübarizəsinə komanda yarışları ilə yekun vurulacaq. Rusiya və Gürcüstan komandaları artıq finaldadılarr. Qadınların mübarizəsində həlledici görüşdə Almaniya və Fransa üz-üzə gələcək.
Kişilər arasında cüdoçuların komanda yarışı səkkizdəbir final mərhələsindən start götürdü. İlk olaraq Ukrayna və Slovakiya təmsilçiləri tatami üzərinə çıxdılar. Ukrayna 3-2 hesabı ilə qalib gərək dördəbir finala yüksəldi.
İspaniya və Çex Respublikası cüdoçularının qarşılaşmasından isə sonuncu qalib çıxdı. Çexiya təmsilçiləri böyük üstünlüklə, qalib gəldilər Dördəbir final mərhələsində Ukrayna millisinin qarşısını Rusiya komandası kəsdi. Ruslar maksimum nəticə göstərərək, yarımfinala adladılar. Mübarizəyə dördəbir final mərhələsindən qoşulan Fransa və Portuqaliya komandalarının qarşılaşmasında isə sevinən tərəf Fransa oldu. 4-0
Növbəti mərhələdə üz-üzə gələn Gürcüstan və Çexiya təmsilçilərinin qarşılaşması maraqlı mübarizə şəraitində baş tutdu. Daha güclü olan gürcülər yarımfinala yüksəldilər. Digər dörddəbir final görüşündə isə Macarıstan komandası Almaniyanı məğlub etdi. Finala gedən yolda Rusiya komandası Fransa ilə, Gürcüstan isə Macarıstanla qarşılaşdı. Sonda Rusiya və Gürcüstan komandaları finala çıxdılar.
Qadın cüdoçuların komanda yarışları dördəbir final mərhələsindən start götürdü. İlkin qarşılaşmalardan sonra yarımfinalda Fransa Sovakiya ilə münasibətlərə aydınlıq gətirdi. Qarşılaşmada fransızlar qalib gələrək finala yüksəldilər.
Digər finalçının adı isə Almaniya və Rusiya komandalarının görşüşündə məlüm oldu. 3-2 hesabı ilə qalib gələn Almaniya komandası finalda Fransa ilə birinci yer uğrunda mübarizə aparacaq.




15:00 / 28.06.2015     Çap et  Çap et