/* */
Online xəbərlər
Azerspace-1 46°E Tezlik 11135 MHz Polyarizasiya H Axın sureti 27500 FEC 5/6  ||   Azerspace-1 46°E Tezlik 11135 MHz Polyarizasiya H Axın sureti 27500 FEC 5/6  ||   Azerspace-1 46°E Tezlik 11135 MHz Polyarizasiya H Axın sureti 27500 FEC 5/6  ||  
Xəbərlər

Cəmiyyət

Xalq artisti Arif Babayevin 80 illik yubileyidir

Şriftin ölçüsü:  11px13px15px17px

Bu gün xalq artisti, xanəndə Arif Babayevin 80 illik yubileyidir. Xalq artisti musiqi xəzinəmizə verdiyi töhvələrə görə bir sıra mükafatlara laiq görülüb. Böyük məktəb yarandan xanəndə, ötən gün ölkə başçısı Ilham Əliyevin sərəncamı ilə Azərbaycan musiqi mədəniyyətinin inkişafında böyük xidmətlərinə görə “Şərəf” ordeni ilə təltif edilib. Arif Babayev 1938-ci ilin bu günü Ağdam şəhərinin Sarıhacılı kəndində anadan olub. O, Seyid Şuşinski, Xan Şuşinski, Zülfi Adıgözəlov kimi sənətkarların ənənələrinə əsaslanaraq, özünəməxsus ifaçılıq üslubu yaradıb. 1960-cı ildən başlayaraq Arif Babayevin yaradıcılıq yolu Bakı şəhəri ilə bağlı olub. O, Azərbaycan dövlət mədəniyyət və incəsənət universitetində təhsil alıb. Onun yaradıcılığında “Şur”, “Seygah” muğam dəstgahları, “Arazbarı”, “Qarabağ şikəstəsi” zərbi muğamları xüsusi yer tutur. Xüsusilə , “Seygah” muğamını arif babayev təkrarolunmaz bir üslubda ifa edib. Azərbaycan Dövlət Filarmoniyasına, sonra isə Azərbaycan Dövlət Opera və Balet Teatrına solist kimi dəvət olunan Arif Babayev bu teatrın səhnəsində muğam operalarında Məcnun, Kərəm, Aşıq Qərib kimi yaddaqalan obrazlar yaradıb. Xanəndə təsnif və xalq mahnılarının ifaçısı kimi daha çox sevilir, onları böyük ustalıqla xalqa çatdırır. Azərbaycan mədəniyyətinə verdiyi töhvələrə görə istiqlal ordeni ilə də təltif olunub. Xalq artistinin yubiley mərasimi Azərbaycan Mədəniyyət və İncəsənət Universitetində böyük təntənə ilə qeyd edilib. Bildirilib ki, xalq artistinin yaradıcılğı mədəniyyətimiz üçün böyük irs hesab olunur. Böyük yaradıcılıq yoluna malik olan xalq artistinə bizdə uzun ömür və yaradıcılıq uğurları arzu edirik.

Günel Səfərli

19:00 / 20.02.2018
 Dosta göndər   Çap et     Geri     Yuxarı 
Günün videosu
Teglər
Səhifəyə daxil olanların sayı

Online: 13
Bu gün: 9407
Bu ay: 254124
Ümumi: 6211515
Ölkə: Azerbaijan

RSS feed
rss-xəbərlərə qoşulmaq üçün buraya daxil olun

WAP
WAP-la xəbərləri izləmək buraya daxil olun

E_MAİL
bizə yazın