
«Lider» televiziyası bu axşam yeni layihəsini tamaşaçılara təqdim edəcək. Tanınmış insanların qonağı olacağı verliş yumorla intelektin vəhdətini özündə cəmləndirir.
Teleməkanın ən səs-küylü və uğurlu verilişlərindən biri olacağı gözlənilən «Gecəyə doğru»-nun çəkilişlərində iştirak etdik. Studiya tərtibatı belə deməyə əsas verir ki, verilişlə bağlı bütün nüanslar yüksək səviyyədə düşünülüb, və tamaşaçıları hər həftənin 5 - ci günü unudulmaz anlar gözləyir. Proqram «Mayls bənd» qurupunun ifa etdəyi musiqi parçaları ilə müşaiyyət olunacaq. İlk buraxılışın qonağı isə tanınmış müğənni Emin olacaq. İntelektlə yumorun dominantlıq təşkil etdiyi verilişin çəkilişləri zamanı tanınmış müğənni iştirakçılarla canlı ünsiyyət qurdu. Çəkilişdə iştirak edənlər verilişin qonaqları ilə şəkil çəkdirmək, avtoqraf almaq imkanı da əldə edirlər.
Aparıcı Tamerlan Nağıyev verilişin uğur qazanacağına əmindi.
Qeyd edək ki, 45 dəqiqəlik veriliş hər həftənin 5-ci günləri saat 23-00-da efirə gedəcək.
19:00 / 05.12.2014